No mes de abril o club de lectura está a ler Non hai noite tan longa de Agustín Fernández Paz

texto por Pattricia Nuñez7 Nonhainoitetanlonga

NON HAI NOITE TAN LONGA, de AGUSTÍN FERNANDEZ PAZ

Gabriel Lama ten cincuenta anos e vive en París dende 1970. Aos 18 anos marchou de Monteverde, a súa vila natal, e nunca máis volveu. Nin sequera cando morreu o seu  pai, inxustamente acusado dun delito polo que foi condenado e preso, nun proceso que provocou a súa morte, en 1972. Só trinta e dous anos despois, a morte da súa nai o forza a regresar. Entón, comprobará que nunca podemos fuxir do noso pasado e que as feridas mal curadas non deixan de supurar. O encontro ca ánima do seu pai, na casa familiar lle cambiará a vida para sempre.

Non hai noite tan longa é unha obra con técnicas da novela negra, que ofrece unha minuciosa indagación moral e unha aceda mirada crítica sobre a nosa sociedade en dous períodos da historia próxima: os últimos anos da ditadura e os primeiros de século XXI.

 

O AUTOR – AGUSTIN FERNANDEZ PAZ

7 AGUSTIN FERNANDEZ PAZAgustín Fernández Paz (Vilalba, 1947 – Vigo, 2016) é unha das figuras máis destacadas da literatura galega contemporánea.

Profesor e escritor, desenvolveu unha ampla obra narrativa, na súa maior parte publicada por Edicións Xerais de Galicia, traducida e recoñecida cos máis importantes premios.

Deuse a coñecer en 1989 co libro de contos “A cidade dos desexos”, o primeiro na colección Merlín de literatura infantil, da que foi fundador e codirector, ao que seguiron “As flores radioactivas” (1990), novela, Premio Merlín 1989; “Contos por palabras” (1991), relatos, Premio Lazarillo 1990, Lista de Honra do IBBY 1992, seleccionado entre a centena de títulos considerados como os mellores da literatura infantil do século XX; “Rapazas” (1993), relatos; “Trece anos de Branca” (1994), novela, Premio Edebé de literatura xuvenil 1994; “Cartas de inverno” (1995, 2016), novela, Premio Rañolas ao mellor libro xuvenil; “Amor dos quince anos, Marilyn” (1995), novela; “O centro do labirinto” (1997), novela; “O laboratorio do doutor Nogueira” (1998); “Cos pés no aire” (1999), novela, Premio Raíña Lupa; “Aire negro” (2000), novela, Lista de Honra do IBBY 2002, Lista The White Ravens 2004 e Premio Protagonista Jove 2001; “No corazón do bosque” (2001), novela; “Un tren cargado de misterios” (2001), conto; “Noite de voraces sombras” (2002), novela; “A praia da esperanza” (2003), conto; “O meu nome é Skywalker” (2003), novela, Premio Barco de Vapor; “Tres pasos polo misterio” (2004), relatos; “Fantasmas no corredor” (2005), conto; “Corredores de sombra” (2006), novela, Premio Frei Martín Sarmiento; “O único que queda é o amor” (2007), relatos, Premio Nacional de literatura infantil e xuvenil, Premio Neira Vilas da AGE, Premio da AELG, Premio Frei Martín Sarmiento; “Lúa do Senegal” (2009), novela, Premio da AELG; “Valados” (2009), conto; “Non hai noite tan longa” (2011), novela, Premio Ánxel Casal 2011, Premio Losada Diéguez 2012 e Premio Irmandade do Libro 2012; “Fantasmas de luz” (2011), novela, Premio da Crítica Galicia 2012; “Desde unha estrela distante” (2013), conto; “A viaxe de Gagarin” (2014), novela, Premio Ánxel Casal 2015, Premio AELG 2015 e Premio da Crítica Galicia 2015; “A neve interminable” (2015), novela, Premio Frei Martín Sarmiento 2016 e “O soño do Merlo Branco” (2016), conto. Reuniu textos memorialísticos no libro “O rastro que deixamos” (2012) e os seus ensaios sobre a lectura en “Un mundo de palabras” (2017).

A maior parte da súa obra está traducida a todas as linguas ibéricas e algunhas delas en coreano, árabe, francés, chinés, búlgaro, bretón, italiano e inglés.

Entre outros recoñecementos á súa traxectoria, recibiu o Premio Irmandade do Libro (2003); o Premio Xosé María Álvarez Blázquez (2008), a Letra E da AELG (2009); e en 2011 recibiu o Premio Iberoamericano SM de Literatura Infantil e Xuvenil.

Foi o candidato da OEPLI ao Astrid Lindgren Memorial Award; en 2011 foi escollido pola OEPLI como o candidato español ao Premio Andersen 2012 e en 2015 a AELG propúxoo como candidato ao Premio Nobel de Literatura.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s